Kryetarja e Kuvendit, Albulena Haxhiu, ka njoftuar se i janë drejtuar Gjykata Kushtetuese për vlerësimin e kushtetutshmërisë së procedurës për zgjedhjen e presidentit të vendit.

Haxhiu bëri të ditur se përmes kërkesës së dorëzuar është kërkuar edhe vendosja e një mase të përkohshme për pezullimin e afatit kushtetues që lidhet me procedurën e zgjedhjes së presidentit, deri në publikimin e aktgjykimit të Gjykatës.

Ajo ka shtuar se për këtë hap është njoftuar edhe presidentja e vendit, Vjosa Osmani-Sadriu.

“Sapo i jemi drejtuar Gjykatës Kushtetuese lidhur me vlerësimin e kushtetutshmërisë së procedurës për zgjedhjen e Presidentit të Republikës së Kosovës. Po ashtu, përmes kësaj kërkese kemi kërkuar që Gjykata Kushtetuese të vendosë masë të përkohshme për pezullimin e afatit kushtetues që lidhet me procedurën e zgjedhjes së Presidentit, deri në publikimin e aktgjykimit. Lidhur me këtë, e kam njoftuar edhe Presidenten”, ka shkruar Haxhiu./Arbresh.info